Kompania jonë Erzeni në bashkëpunim me GIZ Albania e nis këtë vit të ri duke mbështetur fermerët e rrethit Gjirokastër.
Në mënyrë që të garantojmë cilësinë më të mirë në treg, mundëm të shpërndanim tek më shumë se 100 fermerë në Gjirokastër, pajisje inoksi për transportin e qumështit.
Kontejnerët e inoksit, klasifikohen si materialet më të mira për ruajtjen e qumështit, në mënyrë të sigurt dhe të shëndetshme për një periudhë të gjatë. Këto pajisje shumë higjenike mundësojnë një mbyllje hermetike, duke siguruar ruajtjen e qumështit gjatë gjithë procesit të transportit, nga ferma në kompaninë tonë.
Për ne, konsumatorët dhe fermerët vijnë gjithmonë të parët!